Е-сервиси за студенти

                            Упатство за Iknow

                                Упатство за студентска анкета

  Електронски уписи на студенти

  Е-курсеви       

                                               Книга за ТТФВ

 

 

Известување за финансискиот модул во Iknow системот

Најновата верзија на финансискиот модул на УКЛО којшто е во рамки на Iknow системот е ставен  во продукција со што се  овозможува целосна покриеност на можноста за плаќање на финансиските задолжувања на студентите кон единиците. За секој студент се генерираат соодветни задолжувања и може во персонална кошничка да одбере кои од нив сака да ги плати преку интернет, со платежна картичка. Со функционалноста на финансискиот модул УКЛО овозможува дополнителна безбедност за студентите и поедноставно и полесно реализирање на обврските на современ и сигурен начин.


Рокови за пријавување и запишување на втор циклус (конкурс)

Прв уписен рок: - Пријавување од 01.10. до 22.10.2020 год. и Запишување од 26.10. до 30.10.2020 год.

Втор уписен рок: - Пријавување од 02.11. до 30.11.2020 год. и Запишување од 07.12. до 11.12.2020 год.

Рокови за пријавување и запишување на трет циклус (конкурс)

Прв уписен рок: - Пријавување од 21.09. до 30.09.2020 год. и Запишување од 15.10. до 16.10.2020 год.

Втор уписен рок: - Пријавување од  26.10. до 30.10.2020 год. и Запишување од 12.11. до 13.11.2020 год.


Соопштение за Ноемвриска испитна сесија на втор и трет циклус студии

1. Пријавување на испити за втор и трет циклус студии за Ноемвриска сесија може да се направи од 02.11.2020 год. до 04.11.2020 год. Пријавувањето на испитите треба да се направи по електронски пат преку iknow системот или преку испраќање на е-маил на референтот на студенски прашања Сашко Попов. Плаќањето може да се направи електронски, а уплатниците може да се донесат покасно во студенска служба или скенирани да се испратат по е-маил.

2. Последен рок за доставување на проектните задачи до соодветниот професор е до 04.11.2020 год. 

3. Ноемвриската испитна сесијата ќе биде во период од 12.11.2020 год. до 20.11.2020 год. Распоредот за полање на испитите ќе биде објавен дополнително.


Протокол за on-line полагање

1. Со цел непречено спроведување на полагањето, потребно е студентот да има на располагање стабилна интернет врска, компјутер (лаптоп), камера и микрофон. Студентот е должен да ја провери функционалноста на опремата пред полагањето на испитот. Поради непречено одвивање на испитот, студентот и наставникот (секој за себе), е потребно да обезбедат просторија  во која ќе има тивка и мирна атмосфера.

2. Платформи кои ќе се користат за полагање се: Google classroom,  Google meet, е-маил или друга електронска платформа. Наставникот пред испитот (колоквиумот) до студентите ќе ги испрати соодветните линкови за пристап на платформата по е-маил по барање на студентот.

3. Датумот и времето на полагање ќе биде објавено на огласната табла на Факултетот и на веб страницата на факултетот.

4. Со цел идентификација на студентот постојат две опции:

Опција 1: студентот да испрати скенирана прва страница на индексот и страната во која му е запишан предметот и семестарот, по е-маил до наставникот, најдоцна 30 минути пред почетокот на испитот (колоквиумот).

Опција 2: Веднаш по вклучување на линкот за пристап, студентот ја покажува на камера прва страница на индексот и страната во која му е запишан предметот и семестарот.

По утврдувањето на идентитетот на студентот, камерата и микрофонот остануваат вклучени. Значи, студентот кој направил  идентификација односно студентот кој има валиден индекс во кој е заверен предметот и семестарот, има право да го полага испитот (колоквиумот).

5. Пред испитот препорачливо е наставникот да го извести студентот на која платформа ќе полага и начинот на полагање.

6. Студентот треба  да се најави на добиениот линк точно на време, за да може навремено да започне  испитот (колоквиумот). Студентот при користење на платформите треба да го користи службениот е-маил со домен УКЛО (uklo.edu.mk), а сите други студенти кои ќе се најават со друга е-маил адреса, не ќе може да полагаат.

7. По завршувањето на идентификацијата на студентите, се преминува на испитот кој може да се организира како што одлучил предметниот наставник, и тоа на еден од следните начини:

а) писмен испит,

б) усмен испит,

в) преку е-маил, со испраќање на скенирани (фотографирани) одговори на поставените прашања (на пример, решени задачи),

г) или комбинација од претходните начини.

8. Во текот на полагањето, камерата и микрофонот на студентот треба да бидат вклучени. Мора јасно да се гледа лицето на студентот и не е дозволено да има движење.

9. Ако полагањето на испитот е преку електронски тест, потребно е студентот да  направи втора конекција на истиот линк на google meet од мобилен телефон со вклучена камера и истата ја насочи кон екранот на компјутерот.

9.1 Алтернативно, професорот може да побара да се вклучи и опцијата од google meet:  Present now / Your entire screen, која ќе овозможи да се гледа скринот (екранот односно е-тестот)  од компјутерот на студентот.

10. Во случај да студентот се исклучи од воспоствената on-line врска (поради нестабилна интернет врска, прекин на електрична енергија или друга причина), тогаш наставникот одлучува за статусот на полагањето и тоа: неположен, не се јавил на испит, да дефинира оценка за одговорените прашања до моментот на исклучување или да му дозволи да го полага испитот on-line (само уште еднаш) во друг термин.


 

ИЗВЕСТУВАЊЕ

За заштита на населението од вирусот Ковид-19 и за превенција од ширење на вирусот, Владата на Република Северна Македонија донесе Заклучок број 13 на 19-тата седница одржана на 14.03.2020 година, според кој се овозможува на раководното лице на институциите да ја организира работата на вработените лица преку работа од дома, без да се наруши нормалното функционирање на институцијата. Согласно со тоа, Стручната и административна служба на Технолошко-технички факултет Велес, воведува нов времен распоред на работа.

Ги замолуваме сите студенти, како и сите граѓани кои имаат потреба од контакт со Службата на ТТФВ, да не контактираат и тоа за:

1. Административни работи:

- Надица Панзова, Секретар, моб. 076355265, е-пошта: Оваа е-адреса е заштитена од спамботови. Треба да ви е овозможено JavaScript за да ја видите.

- Сашко Попов, Референт на студентски прашања, моб. 075421577, е-пошта: Оваа е-адреса е заштитена од спамботови. Треба да ви е овозможено JavaScript за да ја видите.

- Бошко Петровски, Советник за ЕКТС, моб. 075421576, е-пошта: Оваа е-адреса е заштитена од спамботови. Треба да ви е овозможено JavaScript за да ја видите.

- Јордан Мартиновски, Виш соработник за ИКТ, моб. 075313288, е-пошта: Оваа е-адреса е заштитена од спамботови. Треба да ви е овозможено JavaScript за да ја видите.

2. Наставни работи:

- Вонр.проф.д-р Сашко Мартиновски, продекан за настава, моб. 075421579, е-пошта: Оваа е-адреса е заштитена од спамботови. Треба да ви е овозможено JavaScript за да ја видите.

Ви благодариме на разбирањето, заедно да допринесеме во зачувување на јавното здравје!

 


 

За факултетот

Dipl. studenti 2014-2015.jpg

Технолошко - технички факултет Велес е образовна и научно-истражувачка институција од областа на Прехранбена технологија и биотехнологија и Нутриционизмот во рамките на Универзитетот „Св. Климент Охридски“ - Битола.

 

 Факултетот развива дејност во неколку области:

  • Додипломски студии (прв циклус академски студии)

           - Прехранбена технологија и биотехнологија  

           - Нутриционизам

  • Последипломски студии (втор циклус на академски студии)

           - Нутриционизам - едногодишни

           - Нутриционизам - двогодишни

           - Управување со квалитет и безбедност на храна

  • Докторски студии (трет цуклус академски студии)

            - Иновативни технологии за храна и нутриционизам 

      Во склоп на оваа студиска програма постојат два модули:

            - Модул 1: Храна и иновативни технологии и

            - Модул 2: Храна и нутриционизам

        Времетраење на студиите е три години.

  • Научно-истражувачка работа 

 

Историја

Технолошко - технички факултет Велес е нова единица на Универзитетот „Св.Климент Охридски“ - Битола и е формирана во 2008 година. Факултетот од неговото основање врши високообразовна дејност - додипломски студии, како и научно-истражувачка и применувачка дејност од научните полиња на прехранбената технологија, биотехнологијата и нутриционизмот. Во 2009 год. отвора и последипломски студии, а во 2015 год. во тек е акредитација на докторски студии. Со отворањето на оваа високообразовна единица во составот на УКЛО се етаблира факултет кој е комплетно фокусиран на едукација на инженерски кадар.

 

iKNOW moodle  Tempus mon   

Go to top