Menu

Новости

Насловна

Технолошко-техничкиот факултет во Велес доби нови простории. Студентите и професорите од денес, ќе имаат услови за учење и предавање како и нивните колеги од другите факултети, рече министерот за образование и наука Спиро Ристовски кој присуствуваше на пуштањето во употреба на новиот објект на факултетот. Додаде дека сосема била исправна и оправдана одлуката на раководството на Универзитетот „Св. Климент Охридски“, пред пет години за отворање на новите студиски програми во Велес.

„Бројот на запишани студенти на двете студиски програми, нутриционизам, и прехрамбена технологија и биотехнологија, го оправда верувањето дека има интерес кај младите за студирање на програми кои не беа застапени во Република Македонија. Понудената можност за овие студии беше одлично прифатена и затоа чест и задоволство ми е што денес присуствувам на пуштањето во употреба на новите простории на факултетот, со што студентите и професорите добиваат услови какви што и заслужуваат“, рече Ристовски.

Првите предавања на Технолошко-техничкиот факултет во Велес се одржани во просториите на поранешното училиште „Јордан Хаџи-Константинов – Џинот“, каде биле потстанари. Денеска факултетот доби современ објект кој ги задоволува сите критериуми за работа и образование, со четири предавални, три лаборатории, сала за информатика, сала за состаноци, простории за професорскиот и административниот персонал. Владата на Република Македонија во 2011 година донесе одлука за трајно користење на факултетот дел од хотелот „Вила Зора“, а и општина Велес го отстапи својот дел, кој денес е комплетно реновиран за потребите на Технолошко-техничкиот факултет. Станува збор за инвестиција од 6 милиони денари, од кои една третина ги обезбеди Министерството за образование и наука, со што се изврши целосна реконструкција и пренамена на објектот во образовна институција, додаде министерот Ристовски.

ОГЛАСНА ТАБЛА КИЧЕВО

ОГЛАСНА ТАБЛА БИТОЛА

ОТ МАГИСТЕРСКИ СТУДИИ

Е-сервиси за студенти

Е-курсеви

moodle

September 2014
Mo Tu We Th Fr Sa Su
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

ОГЛАСНА ТАБЛА ВЕЛЕС

 Copyright © Технолошко-Технички Факултет Велес